--#HugotSnapConfessions

Pag-ibig nati'y natapos nang hindi nagkaroon ng simula.Pero minahal naman natin ang isa't-isa.Pinaniwala mo akong iba ka sa kanila,na hindi mo ako iiwan at di papa asahin.Pagmamahal na umiral kahit sabihin mong "MU" lang tayo,pero alam kong totoong pagmamahal ang ipinaramdam mo,pina ngiti mo ako sa paraang ikaw lang ang nakakagawa,pag ako'y niyayakap mo ni hindi ako makahinga sa higpit na nagpapahiwatig na ayaw mo na akong pakawalan pa,mga nakaw na halik sa pisngi na kahit kinakagalit ko,pag uwi ko nama'y di maalis ang ngiti sa aking mga labi.

Akala ko ikaw na.Akala ko ikaw na ang una at huli ko,akala ko ikaw na ang hinihintay kong si Prince Charming.Pero lahat pala nito'y isang pagkakamali. Dumating ang araw na nagkakalabuan na tayo pero inaayos mo agad kasi ayaw mong mawala ako sa buhay mo. Tapos biglang nagka problema,problemang may kinalaman sa mga katagang "sila o ako", pero SILA ang pinili mo. 

Sabi mo mahal mo ako kaso hindi mo man lang ako ipinaglaban,

am i not worth fighting for?

am i not worth the risk?

am i not enough?

-mga tanong na kailan ma'y di na masasagot.

Wala akong nagawa kung hindi palayain ka,kasi sino ba naman ako,dba? 

Ako lang naman ang babaeng mahal na mahal ka at hindi ka iiwan pero naghanap ka prin ng rason para ako'y bitawan.

Hindi nga nagkaroon ng TAYO,pero mahal ko tandaan mo lahat ng pinakita ko sayo'y totoo,lahat ng binitawan kong salita ay galing sa puso ko at lahat ng luhang ibinuhos ko ay hindi ko pinilit ngunit kusang tumulo.

Isang buwan na ang nakalipas mula nung sinabi mong "tapusin na natin to" pero bakit ganun? ni hindi man lang nabawasan ang pagmamahal ko sayo.Aaminin ko umaasa parin akong kakausapin mo ako at sasabihing "Ayusin natin to,hindi ko kayang tuluyan kang mawala sa buhay ko" pero kahit sa panaginip,'yan ay malabong mangyari.

Sabi mo pa dati "takot akong mawala ka" pero siguro hinarap mo ang kinakatakutan mo at iniwan mo ako.

Pero sa araw na'to natauhan ako,Bakit pa ako naghihintay? Bakit pa ako aasa? Bakit pa ako nagpapakatanga? Siguro nga'y panahon na para ako'y magising sa katotohanang kailan ma'y hindi ka na babalik pa. Mahal parin kita pero ayoko na maging tanga,tama na! Tama na ang pagsulat ng mga liham na kelan may di'ko naman ibibigay.Tama na ang bawat suntok sa pader na sumusugat sa aking kamay.Tama na ang tuwing gabing pag iyak na minsa'y umaabot pa hanggang umaga. Tama na ang pag basa ng mga dating mensahe mong minsa'y nagpakilig sa akin.Tama na ang pagpunta sa mga lugar kung saan bumuo tayo ng mga magagandang ala-ala.At higit sa lahat,Tama ng ipaglaban ang taong ako'y matagal ng sinukuan.

Kapit pa o Bitaw na?

-saan pa ba ako kakapit?

-pano ako bibitaw kung wala naman akong pinanghawakan?

-AnonymousAssassin•xxiv